Informasjon om jødane, - verdsrekord i «fake news»?

Lysestaken, symbolet framfor
Knesset i Jerusalem.

Eg har i ein del tidlegare innlegg vore inne på løgner som er spreidde om jødane gjennom historia. Nokre er lette å kjenna att på si antisemittiske vinkling, til dømes propagandaen før andre verdskrig både i Noreg og Tyskland.

For oss som les vår Bibel, kjenner me att denne haldninga frå Esters bok og andre stader i Bibelen. Farao som ville at alle guteborna skulle drepast, Herodes som rende ut uskuldig blod for då hindra at den nyfødde «kongen til jødane» skulle få veksa opp. Og så vidare.

Framleis har me heile spekteret av antisemittisme, inkludert dei som ynskjer å løysa «jødeproblemet» etter same oppskrift som Hitler. I den klassen finn me Iran, Hamas og fleire terrororganisasjonar. Ein mildare variant er dei som og kontinuerleg spreier «fake news» om jødar og Israel verda over. 

Ein ikkje liten del av skattepengane våre går til PLO. Dei har sagt klårt at dei ikkje er interesserte i noko to-statsløysing i framtida. Dei vil ha heile landet og brukar alle midlar, inkludert FN, til å øydeleggja for Israel. 

Norske media og andre snakkar om leiinga i PLO som «demokratisk» og representativt for «det palestinske folket», endå begge deler er rein løgn. Den «demokratisk valde» leiaren, Mahmoud Abbas, vart vald for fire år, men har sete no som president omkring 18 år utan at folket har fått seia si meining i ein demokratisk valprosess.

Namnet «Det palestinsk folk» er vidareforedling av begrepet romarane i si tid innførde for å marginalisera jødane i landet. Engelskmennene førde det vidare og rekna både jødar og dei forskjellege gruppene av arabarar i området, for «palestinarar». Golda Meir brukte sjølv det engelske passet og viste svart på kvitt at ho var «palestinar»!

MIFF og kampen for sann informasjon om jødane

 Vegskilt i Negev.
Jødane må "svelja kamelar"
skal dei godta alt som vert
skrive og sagt om dei!

Organisasjonen «Med Israel for Fred» (MIFF) er stadig ute og kontrollerer informasjon om Israel både i media og andre kanalar. Mellom anna gjer dei skulebok-analysar. I 2021 analyserte dei Cappelen Damm sitt israelstoff for tiandeklassingar. Her er det dei sjølve skriv om saka på internett:

«I november 2021 publiserte MIFF en omfattende analyse av Israel-stoffet for tiendeklassinger i «Skolen», en online læringsplattform fra Cappelen Damm. Vi påpekte en enorm overfokusering på konflikten sammen med systematiske utelatelser av israelske perspektiver. I tillegg påpekte vi over 20 avsnitt og setninger med direkte feil.

I januar 2022 opplyste Cappelen Damm at de har «gjort justeringer» i undervisningsmaterialet, men MIFFs nye gjennomgang viste at det aller meste forble uforandret. Det var noen få endringer til det bedre, noen få endringer som skapte nye feil og noen endringer til det verre.» (i)

MIFF ville få dette prøvt for retten som brot på «Lov om opplæring». Oslo tingrett avviste dette og ila MIFF å betala Cappelen Damm sine saksomkostningar på 161.460 kroner.

Det MIFF påpeika, var at «Israelske perspektiver blir systematisk utelatt av Skolen», og at mange
av opplysningane var direkte feil. Dette var altså ikkje så viktig at Oslo Tingrett tok seg bryet med å sortera sanning og løgn. 

Som gammal lærar er det skremmande at usanne opplysningar og einsidig fokusering på nasjonale og internasjonale problem, dermed får eit «fritt fram» av norsk rettsvesen.

No har Cappelen Damm ein mykje større pengesekk enn MIFF, og hadde dette skjedd i Paraguay, hadde folk automatisk sagt seg: «Tru kor mykje dei betalte for å få dette vedtaket?». Eg trur endå retten her til lands ligg på eit anna nivå, men….

Ein annan tanke eg slit med, er: Er denne dommen ein indirekte freistnad på å få MIFF til å teia om feil- og skeiv-informasjon om jødar og Israel?  

«Fake news» om jødar og Israel har stor utbreiing i norske media, særleg på sosialistisk side. LO føl same linja. Me ser det i 1.mai-toga deira.

Slik eg ser det, slær Oslo Tingrett  med dette vedtaket fast at «skylapp-fjernarar» er uynskte i vårt land!  

Du kan gå konkurs av å prøva. 

Støtt MIFF!

-----------

(i) MIFF forsøkte å fjerne feil fra skolebok - ble dømt til å betale forlagets høye saksomkostninger - Med Israel for fred (MIFF) (Teke ned 20.01.23)

---------------

Det er ikkje lov å bruka bilete eller tekst frå denne bloggen uten skriftleg løyve frå meg.