«Kva ser du?»

Fleire profetar i Bibelen fekk dette spørsmålet. (i) Gud brukte spørsmålet for at profetane skulle få det Han ville ha, i fokus. Det er også tanken med det eg skriv til deg i dag…

Optiske illusjonar

Eg veit ikkje kor gammal eg var då eg første gong såg eit svart-kvitt-bilete omtrent som illustrasjonen her. Me kalla det «vasefjes», for med me såg på det, forandra det seg. Ei stund var det ein vase. Ei stund var det to svarte ansikt framfor eit ope glas. Eg lærde å teikna både dei to ansikta framfor glaset og ein gammal, skjeggete, fleinskalla gubbe som vart til ein blid ungdom med mykje hår når eg snudde biletet opp ned. Det var alltid spennande å visa teikningane til nye folk og spørja: «Kva ser du?»

Sanninga er at auga registrerer det me ser og sender signala vidare innover til hjernen. Der vert signala tolka opp mot tidlegare inntrykk, og sidan me er skapte som logisk tenkjande individ, tolkar me synsinntrykket til det som gjev best meining.

Døme (kopiert) 07.02.24 frå  Optiske illusjoner - Bestemor Esthers Blogg

Det same skjer når eg på film ser ein bil som køyrer bortover ein veg. Eg ser bilen køyrer framover, men hjula går bakover! Mi forklaring på fenomenet er at hjula går fortare rundt enn bilen går framover. Dermed prøver hjernen min å «korrigera» augene. Han «tolkar» med andre ord synsinntrykket og endrar farten på hjula!

Mentale illusjonar

«Kva ser du?», kan også stillast i samband med mentale bilete.  «Vasefjeset» var svart-kvitt, og det er ofte slik me opplever all informasjon som møter oss for første gong. Men når me studerer temaet grundigare, oppdagar me nye detaljar, og svart-kvitt-biletet endrar seg. Dermed endar me ofte opp med ein heilt anna konklusjon enn den førsteinntrykket prøvde å gjeva oss. (Føl du oppskrifta i fotnote (ii),  då forstår du kva eg meinar.)  Lat meg ta nokre døme får media.

Valde styresmakter?

Om dei som har styrt både på Vestbredden og i Gaza, vert det sagt: «Dei er valde…». Dermed ser me for oss demokratisk frie val der alle «myndige» kan stemma, og at nyval skjer i samsvar med faste valperiodar. 

Men det er ikkje slik det fungerer der nede.(iii) Mahmoud Abbas vart vald som leiar for PLO i 2005 - for 4 år. Sidan har det ikkje vore val, og dei som har prøvt å få til val eller har opponert, har vorte trua til å teia, vorte fengsla eller berre enkelt og greit forsvunne.

Det same gjeld Hamas som fekk fleirtal i «Palestine Legislative Council» ved valet i 2007. I staden for å ha nye, lova val, har dei utvikla eit totalitært styre som fjerna seg endå lenger bort frå demokrati-prinsippa enn det Abbas gjorde. Leiar for den politiske fløyen i Hamas nektar stadig for at Hamas har utført terror mot sivile 07.10.23. «Me angrip berre soldatar og militære mål», seier han. Alle som vil vita det, veit dette er bevisst løgn. Det same gjeld terroren dei gjorde mot Israel i 2008-2009, 2012, 2014 og 2021.

Skjermdump av artikkel publisert av ICEJ, 19.08.2022.

Mahmoud Abbas, ved sida av å vera «politisk vald leiar», er også President av staten Palestina. Den tittelen fekk han og i 2009. Før det kunne han skilta med «Doktor», og vart sett på som den intellektuelle mellom palestinarane.

Tittelen kjem frå eit universitet i Russland. Doktoravhandlinga har tittelen: «The other side: The secret Relation Between Nazism and Zionism»». Han hevdar offentleg at Holokaust er løgn og bedrag, - oppfunne av jødane. 

Med ein slik bakgrunn, korleis kan demokratiske og godt informerte statar sjå på Abbas, FATAH og Hamas som verdige partnarar i ei framtidig fredsløysing for Midtausten? Spelar etikk ingen rolle i internasjonal politikk lenger?

Tillit kan berre byggjast når partane er ærlege og held det dei lovar

Det viktigaste elementet i ei tostatsløysing, må vera etisk. Det vil seia at alle partar snakkar sant og vil halda det dei lovar. Det er det dei skriv under på. 

Det gjer ikkje desse eg her har nemnt. Det er sanninga. Delingsplanen som vart laga då Israel vart oppretta, vart godteken av Israel, men ikkje av arabarane. Det same galt «Oslo-avtalen» der Israel ville innretta seg etter det som stod der, men ikkje motparten. Avtalen var dermed ikkje meir verdifull enn papiret han vart skriven på!

Skjermdump frå : https://www.jpost.com/opinion/article-785525

Til dømes lova palestinarane å endra sitt «Charter» så dei godtok Israels eksistens. Det har dei endå ikkje gjort.

I dagens «Jpost» (07.02) har kommentaristen Neville Teller ein artikkel om korleis tanken på ei tostastsløysing er motteken hjå arabarane rundt Israel. Og der er det tommelen ned godt som over alt. Forfattaren nemner det som har hendt, og skriv: 

«Realitetane viser ei heilt anna soge. Kvar einaste av alle Israel-Palestina-fredsforhandlingane gjennom åra – kvar einaste utan unnantak som har innehalde ei godkjenning av Israel, har falle i fisk. Tanken på ei tostatsløysing inneber at dei med vitande og vilje sluttar å nekta at Israel har rett til å eksistera».(iv)

Bønnebrev frå Israel

Kvar fredag vert det utsendt ein bønnebrev frå Jerusalem til forbedarar verda over (v). Eit av bønneemna som går att, er at Gud ikkje må tillata noko tostatsløysing.  Eller, om Gud tillet det, må han gjera arabarane (vi) like stae som han gjorde Farao, - slik at dei avviser heile ideen. (vii)

Som jødefolket vart ført ut av Egypt, skal Gud føra sitt folk (viii) ut av denne verda på liknande måte. Johannes’ openberring fortel oss det. Som Egypts hærar gjekk til grunne i Raudehavet, skal denne verda sine hærar gå til grunne på Harmageddon- eller Meggidosletta. (ix) Det er berre dagen og timen me ikkje veit noko om.

Kanskje «tostatsløysinga» er ein del av starten på slutten?

------------
(i) Sakarja 4,2; Amos 8,2 m. fl.
(ii) Svart-kvitt «vasefjes» finn du på  optiskeillusioner.blogspot.com  På no.newsner.com finn du eit liknande bilete av to gamle ansikt, men det biletet har meir detaljar og gjev ei rekkje tolkingar etter som auga går rundt i biletet. Berre prøv.
(iii) Demokratiske val slik me tenkjer oss det, finst berre i Israel.  Ingen andre land i Mistausten har noko liknande…
(iv) Mi omsetjing av : «The plain facts tell a quite different story. Every one of the numerous Israel-Palestinian peace negotiations over the years – each of which, as an obvious sine qua non, incorporated recognition of Israel – has fallen at the last hurdle. Embracing a two-state solution implies a voluntary end to the delegitimizing of Israel.»
(v) Frå  / til «Intercessors For Israel»  (IFI).
(vi) Palestinarane er også arabarar.
(vii) Jamfør 2. Mos. 4, 21. Framhald i  kapittel 7 – 10, og 1. Sam 6,6,
(viii) Det vil seia både jødar og ikkje-jødar som trur Guds Ord og lever etter det.
(ix) Opb. 16, 16-21.
---------------

Det er forbode å bruka bilete eller tekst frå denne blogen uten skriftleg løyve frå meg.

 «Dikt og forbannet løgn»

Alt set spor i oss. Problemet er å tolka inntrykka rett...

Den gode Peer Gynt å heldt seg ikkje alltid til det som var sant og rett. Henrik Ibsen la desse orda i hans munn. Kanskje Ibsen meinte det var slik me menneske eigentleg er?

Du veit me kan sjå føre oss og dikta opp ting som ikkje er reelle. Når me drøymer, «ser» og «opplever» me mykje som ikkje passar inn i den verda me vaknar i. Noko liknande kan skje i vaken tilstand. Då kallar me det «dagdrøyming», og me lever oss også då inn i ei oppdikta verd. 

Han far var ein meister i å fortelja, og me ungane «såg» føre oss det han fortalde. Til tider kunne me oppleva det som om me var med i forteljingane. Me levde oss inn i rolla som helten som løyste alle vanskar, eller som Peer som reid på reinsbukken i jagande flog over kvassaste egga. Trur du ikkje han  Peer trudde sjølv på det som han fortalde, og ville få andre til å tru det og?

Ein ressurs

I daglegtalen snakkar me om «å innbilla seg ting». Kanskje du og føretrekkjer ei god bok eller litt TV i staden for å ta klevasken eller gjera noko du kvir deg til. Og dette endå me veit vel at Peer Gynt, Sherlock Holmes, Tarzan og dei andre heltane me bruka tida vår på, berre er er oppkontruerte figurar. Likevel er dei tiltrekkjande på folk. I «gamle dagar» var forteljinar ein viktig faktor for å planta etikk og moral inn i store og små, til dømes gjennom folkeeventyra. I dag er det media som formar oss i større og større grad.

Godt eller gale?

Gjennom same døra, - dvs. evna til motta informasjon og inntrykk,  kan det koma inn både godt og gale. Slik kom nazismens og kommunismens rase- og jødekarateristiskkar inn, brende seg fast og forma både politikk og samfunn i Europa på 1900-talet. Kløktig propaganda opna veg for politisk og etisk omvelting. Store folkemengder oppførde seg likt, mange kledde seg likt og mottok same informasjonen. (i) Etter krigen vart det snakka om «massesuggesjon». Den fekk elles kloke og sindige folk til å vera med på hakkande galne ting!

I dag snakkar me om reklame og «influensing». Tenk at sunne og friske ungdomar let seg operera for å sjå «finare» ut, kjøper det eller det produktet for å bli meir populære, og eller gjer enda verre ting! (Skal eg vera ærleg, er eg kanskje ikkje så mykje betre sjølv, men det må du ikkje seia til nokon!)

Kan du "lesa" desse?

Forvridd informasjon skaper forvridde idear

Hamas og dei andre terrororganisasjonane brukar «sivile», - barn, kvinner og eldre, «som kuler og krut» i mediakrigen mot Israel og jødane.  Dei fleste media føl etter og spreier sanningar, halvsanningar og rein løgn utover. Dei som ikkje veit noko anna, trur alt, uttalar seg bastant og handlar ut frå det dei les, høyrer og ser.

Mange land har stogga hjelpa til UNRWA etter at det er slege fast at mange av deira tilsette både støtta terroren og deltok i mishandlingane 07.10.23 og seinare. Norske styresmakter derimot neglisjerer informasjonen og held fram som om ingen ting har hendt. Kanskje neste trekket deira er å invitera terroristane til luksusopphald på Gardermoen, - dei og?

Ei todelt verd

Amerikansk politikk er todelt, i alle fall slik eg ser det.  Enten er du det eine, eller så er du det andre, - enten «esel» eller «elefant». Me her i Noreg har endå ei brei rekkje politiske parti, men me er å veg til å få amerikanske tilstandar, me og. Dette fordi den norske mediaverda er delt i to, -  på høgresida Schibsted Media Group eller kva dei kallar seg, og på venstresida A-media eller «Arbeiderpressen» som det før heitte. 

Desse to største aktørane styrer norsk mediaverd.  Dei arbeider sjølvsagt for å gjera seg rike, men dei utnyttar og bevisst si «influensarmakt». Målet er at forbrukarane skal gå i den eine eller den andre retningen, alt etter kva politikk dei sjølve står for.

Media, - ein «forsøksgard» for nye idear?

I produksjonen av nye plantar, har «forsøksgard» og «planteskule» lang tradisjon her til lands. Dei første tek inn nye plantar til Noreg, eller prøver å avla fram nye typar med dei eigenskapane som dei meinar bør brukast. Planteskulen lagar småplantane og lærer folk til å bruka dei, enten det er prydplantar eller plantar for framtidig avling. Mediahusa fungerer på same måten.

Me har hatt to religiøse retningar som har kome sterkt i fokus siste åra: Guds Menighet Vegårdshei og Jehovas Vitner. I begge tilfelle starta det, så langt eg såg, med at misfornøgde «avhopparar» vart presenterte i media, og slik gav organisasjonane negativ «image». Deretter balla det på seg: Statsapparatet «spurde» om «måten dei arbeidde» burde gjeva rett til statstilskot, og så vidare. No er det i gang ei rettssak som, om Jehovas Vitne taper, snart vil gå vidare til andre trusretningar som ikkje «oppfører seg» slik regjeringa og departementa vil. 

Me fyller oss heile tida med informasjon, men greier me å orientera oss i medialandskapet?

Noko liknande skjedde med omlegginga til dab-radio her til lands, noko som me etter kvart bør vedgå var eit mistak. (ii) Elektrifiseringa i transportsektoren som vart tvangsinnført «for klimaet sin del» etter langt og grundig mediearbeid. Alt starta som ein mediastorm og vert gjennomført uten grundige analysar, uten langsiktig planlegging og uten nødvendig evaluering av strategi og framdrift. Resultatet er skyhøg straumpris og til dømes «Melkøya-fadesen» som vil kosta landet enorme summar. Det same gjeld problema innan transportsektoren som me har opplevt denne vinteren.(iii)

Anti-Israel og anti-jøde-krigen i media er ei like reell krigssone som Gazastripa med sine 365 km2. NRK gjer det dei kan for å få konsumentane sine til å gå dit utanriksministeren og statsministeren vil. Målet er å «ala fram» meiningar og haldningsmønster som støttar regjeringa sin hovudlause Midtaustenpolitikk…

Tostatsløysinga, - det nye holokaust?

Me har høyrt at både dei som leier norsk utanrikspolitikk, FN, president Biden og andre ser på «tostatsløysinga» som «vegen til fred i Midtausten». 

For Israel som opplevde 07.10.23, er målet som terroristane arbeider for, det same som Hitler og nazistane hadde: Å drepa flest mogeleg jødar og hindra at dei har eit eige land! (iv) 

Men slikt passar det vel ikkje å skriva i desse dagar då verda (med FN i spissen) har vedteke å minast Holokaust (v), men likevel gjer alt dei kan for å hindra at jødane skal få forsvara seg!

--------------

(i) Talane i Tyskland der store folkemengder høyrde villig på Hitler, løfta høgrearmen og ropa «Heil Hitler» av full hals, er eit døme på dette.   (ii) Me er om lag dei einaste i verda som brukar DAB-systemet, endå det vart presentert for oss som «framtida sin radio» og «det alle vil gå over til». Israels militære har i krigen i Gaza har gått tilbake til AM systemet. Det som fungerer mykje betre enn FM. Det når over større avstand og fungere både oppå og nede i tunellane!   (iii) Eg var på ein bilverkstad i eit område som har brøyting av veg på fjellet. Dei sa den elektriske brøytebilen var eit teknisk misfoster. Han måtte lagast 4 timar for kvar times bruk!   (iv) Du finn det skriva både i deira «Charter» (trisvarande vår «grunnlov»), og elles.    (v) FN vedtok 01.11.2005 at dette skulle vera «International Holocaust Remenbranceday». I Noreg har 26.11. vorte brukt som ein minnedag. Det var den dagen «Donau» la frå kai i Oslo med 532 norske jødar om bord. Israels holocaust-dag, Yom HaShoah, vart først feira 28.12.1949, og føl deira kalendar. På vår kalendar er det frå 4. mai ved solnedgang til 5. mai i 2024.

(Det nedste biletet er frå Vik i Sogn,  med utsyn mot Vikfjellet.)

---------------

Det er forbode å bruka både tekst og bilete frå denne bloggen uten skriftleg løyve frå meg.